كنا زمان قلوب بريئة

كنا زمان قلوب بريئة
كنا بنجلم أحلام جريئة
نشوف أحبه كتير سعيدة
ولكل إثنين حكاية جديدة

نظرة عنيهم بتقول كلام
والكلام كان كله هيام
نشوف قلوبهم عايشة فى غرام
نتمنى نبقى زيهم......اااااه ياسلام

نشوف إديهم متشبكين
وأروحهم ع الحب متعاهدين
نقول ياهناهم أسعد حبيبين
وحلمنا نكون فى يوم عاشقن

وتمر أيام ........وتعدى سنين
وإمتى نحب ......مش عرفين
بدأ الحب..........وجه اليوم
شافت قلوبنا أحلى نجوم

قولنا ياريت حياتنا تدوم
ونعيش عمرنا من غير هموم
ونفتكر عاشقين كانوا قبلنا
نقول عمرهم ما كانوا زينا

إحنا الحب دة عمرنا
بندوب ونعشق لوحدنا

وتمر أيام ............وتعدى شهور
ويفوت الزمن........وعلينا الدور
يبعد ويفرق قلوب عاشقين
بينهم قولبنا إحنا الإثنين

دخل مابينا وإحنا هايمين
زرع فى قلوبنا وجع وأنين
قلوبنا تعبت مش قادرين
وجابت قلوبنا علينا اللوم

وبقى حبنا منا محروم
ونسهر ليالى ما نشوف النوم
سُهد وفكر وآهاااااااات
فرحتنا بقت فى الذكريات

وأشوف أحبة كتير تانى
أقول إلحقوا دة العمر فانى
الحب أصله شئ أنانى
والزمن معاكوا هايعملها تانى

وأنادى وأقول.....خدوا بالكوا الزمن بيوجع
وأصرخ وأقول....دة الحب إيده اللى بتصفع
وأقول .....أنا كنت قبلك فى الحب أشجع
وأقول.....لو يرجع أنا منه ما أشبع

وأقول ......وأقول......وأقول
ومين يقول ........ ومين يسمع
دة الزمن عمره.......ما يرجع

كلام روعه عصام ومشاعر جميله وبريئه
تسلم ايدك

شكراااا لولو على ذوقك ولمرورك الرائع نورتي الصفحة

كلمات راااااااااااائعة تسلم الايادي ما في اجمل من البرائة يسلمووو عصام

شكرااااا لولوه لمرورك العطر نورتي

» ذكريات .......قلوب بريئة
» لسه فاكر كان زمان
» قلوب .........قلوب .....قلوب
» قلوب للبيع لمن يشتري
» قلوب كثيره نجدها في وسط محيط من الدم تبحر