توّك اللحين تدري..؟!

توّك اللحين تدري فالهوى .. والهيام ؟!
يوم جفّت - من طعونك - .. دموع الجفون !!
* * * * * * * * * * * *
جاي تشكي لي همومك وقلّ المنام
. .
تحسب إنّك إلين اللحين .. خل .. وتمون ؟!
* * * * * * * * * * * *
جاي ) بأصدق بدايه ( .. وإنته .. ) أكذب ختام ( . .
تحسب إن الخيانه .. من تعدي .. تهون ؟!
* * * * * * * * * * * *
من سهر يا ) سهيري ( .. لا يخاف الظلام . .
ومن طعن يا ) غريمي ( .. لا يهاب الطعون . .
* * * * * * * * * * * *
من متى و ) الجريح ( يطيب عقب ) الكلام ( ؟!
من متى و ) العيون ( تحبّ ) دمع العيون ( ؟!
* * * * * * * * * * * *
كفّ دمعك ؟! ترا توّي بديت الملام . .
يا خي بدري على الدمعات .. توهم يجون !!
* * * * * * * * * * * *
لا تسولف .. ترا الفرقا تهد العظام
. .
لا تسولف تراني صدق .. صدق امغبون !!
* * * * * * * * * * * *
خل حزنك يسولف .. وإذكر الله .. وناااااام . .
وحطّ راسك على صدر ) الفراق الحنون ( . .
* * * * * * * * * * * *
وإن صدفت ) الهوى ( قلّه : ) عليك السلام ( . .
وإن صدفت ) الحزن ( قلّه : ) عساها تهون ( . .
* * * * * * * * * * * *
إنت ضيعتني عقب الجفا .. والخصام . .
وإنت علمتني كيف الخيانه .. تكون . .
* * * * * * * * * * * *
منت قد المسامح .. والوفا .. والغرام
. .
إنت وااااجد عليك .. ) تحب .. يوم .. وتخووون ( . .
* * * * * * * * * * * *

» ,,هُنًآك مُن يٍحُبُكُ وأنُت * لا تدري ,,
» هناك من يحبك وانت لا تدري.........
» الوقوع في النميمة دون أن تدري و التسبب في القطيعة